Śpieleołahi — tyja niamnohija, chto jašče maje mahčymaść trapić tudy, dzie nikoli nie stupała naha čałavieka. Ramantyka kałodziežaŭ i źvilistych chadoŭ padziemnaha śvietu nie abminuła i našych suajčyńnikaŭ, a ŭ roli trenirovačnaj bazy va ŭmovach Biełarusi vystupajuć chvoi i biarozy.

«I kali ŭ lesie raśćvitajuć praleski, viesieła zalivajucca ptuški i raspuskajucca pieršyja pupyški — značyć, narešcie pryjšła para vyjści ź zimovaj biarłohi i ŭdychnuć śviežy viasnovy viecier», — pišuć arhanizatary spabornictvaŭ.

Tradycyjna ŭ pieršyja vychodnyja krasavika adziny ŭ Biełarusi śpieleakłub «Hieliktyt-TM» źbiraje starych siabroŭ i novych znajomych dla čarhovaha paśviačeńnia ŭ «biarozavyja śpieleołahi».

U pieršy dzień udzielnikaŭ čakali viarovačnyja etapy prosta nad hałovami hledačoŭ, pieraadoleńnie štučna stvoranych vuzkaściaŭ, źniaćcie paciarpiełaha z zavisańnia. A ŭviečary ŭsich tych, što sabralisia na Palanie śpieleołahaŭ paradavali firmovaja juška, lehiendy pra hory i piačornuju ramantyku, pieśni la vohnišča.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?