Brescki abłasny krajaznaŭčy muziej 3 krasavika 2015 hoda adkryŭ cykł vystaŭ «Unikalny ekspanat».

Pradstaŭleny na vystavie mužčynski piarścionak uzrostam 700 hadoŭ znajšli archieołahi padčas raskopak staražytnaha haradzišča Biareścia jašče ŭ 1977 hodzie. Kiravaŭ raskopkami Piotr Fiodaravič Łysienka, ciapier — łaŭreat Dziaržaŭnaj premii Respubliki Biełaruś, doktar histaryčnych navuk.

Piarścionak vyrableny z toŭstych kruhłych załatych dratoŭ, skručanych pamiž saboj u vyhladzie žhutoŭ i spavitych u kasu. Šykoŭnaja kasa centralnaj častki kalca maje šyryniu 10 mm. Dyjamietr piarścionka 20 mm. Jon važyć kala 10 hramaŭ i zrobleny z zołata 750 proby.

Bieraściejski piarścionak nadzvyčajna redki, bo dahetul viadomy ŭsiaho adzin taki ž, znojdzieny ŭ Noŭharadzie. Jon datujecca pačatkam XIV stahodździa. Piarścionak zachoŭvałasia ŭ fondach Bresckaha abłasnoha krajaznaŭčaha muzieja amal 40 hadoŭ i nie vystaŭlaŭsia ź mierkavańniaŭ biaśpieki.

Varta adznačyć, piša «Novy čas», što piarścionak ź vialikaj stupieńniu vierahodnaści adnosicca da skandynaŭskich vikinhaŭskich upryhožańniaŭ. Padobnaja stylistyka šyroka pradstaŭlena ŭ ekspanatach Histaryčnaha muzieja u Stakholmie (hł.: http://www.historiska.se/home/). «Pieraplecienyja» branzalety (nie piarścionki) sustrakalisia ŭ znakamitym «Połackim kładzie» 1984 h., apošni raz ekspanavanym u Minsku ŭ 2011 h.

Cykł vystaŭ «Unikalny ekspanat» u Bresckim abłasnym krajaznaŭčym muziei raspačaty ŭ ramkach respublikanskaha prajekta «Brest — kulturnaja stalica Biełarusi 2015». Sieryja trochdzionnych vystaŭ paśladoŭna paznajomić naviedvalnikaŭ z pradmietami vialikaj histaryčnaj, mastackaj i kulturnaj kaštoŭnaści, jakija zachoŭvajucca ŭ fondach muzieja i raniej nie vystaŭlalisia.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?