Aŭtobus z hulcami tureckaha futbolnaha kłuba «Fienierbachče» padvierhsia napadu na šašy na poŭnačy krainy, paviedamili ŭłady tureckaha horada Trabzon. Z traŭmami byŭ špitalizavany kiroŭca aŭtobusa.

Napad adbyŭsia paśla pieramohi «Fienierbachče» nad kłubam «Ryzespor» z horada Ryze ź likam 5: 1.

Pieršapačatkova ŭłady Trabzona paviedamlali, što ŭ aŭtobus kinuli kamieniem, adnak u samim kłubie zajaŭlali, što pa transpartnym srodku była adkrytaja stralba.

Hubiernatar potym taksama zajaviŭ pra ŭzbrojenaje napadzieńnie. Premjer-ministr Turcyi Achmiet Davutahłu asudziŭ incydent i paviedamiŭ, što viadziecca rasśledavańnie.

Hulcy nakiroŭvalisia z Ryze ŭ susiedni Trabzon, kab vylecieć u Stambuł. Nichto z členaŭ kamandy nie paciarpieŭ.

Ciapier kamanda znachodzicca ŭ tureckaj stalicy. U aeraporcie futbalistaŭ sustreli fanaty, jakija pryjechali pavitać hulcoŭ i vykazać im padtrymku i salidarnaść.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?