Paŭstancy-chusity ŭ Jemienie hatovyja sieści za stoł pieramovaŭ dla ŭrehulavańnia kanfliktu adrazu paśla spynieńnia avijaŭdaraŭ z boku kaalicyi na čale z Saudaŭskaj Aravijaj. Pra heta Reuters paviedamiŭ kiraŭnik palitbiuro chusickaha ruchu «Ansar Ała» Salich as-Samad, pieradaje lenta.ru.

Jon prapanavaŭ tranślavać pieramoŭny praces pa telebačańni, kab narod Jemiena viedaŭ, «chto pieraškadžaje skančeńniu kanfliktu».

Pry hetym as-Samad adznačyŭ, što chusity vystupajuć suprać viartańnia ŭ krainu prezidenta Abd Rabu Mansura Chadzi.

Naprykancy sakavika kaalicyja na čale z Saudaŭskaj Aravijaj pačała vajennuju apieracyju «Bura rašučaści», nakiravanuju suprać paŭstancaŭ-chaŭsitaŭ i prychilnikaŭ byłoha prezidenta Jejemiena Ali Abdały Salecha. Ab vajennym ŭmiašańni prasiŭ prezident Jiemiena Abd Rabu Mansur Chadzi, jaki paśla pieravarotu, arhanizavanaha chaŭsitami, byŭ vymušany pakinuć krainu.

Minułaj nočču avijacyja kaalicyi, jakuju ŭznačalvaje Saudaŭskaja Aravija, znoŭ bambiła stalicu Jemiena Sanu, piša Bi-Bi-Si. Vajennaja apieracyja suprać paŭstancaŭ-chusitaŭ praciahvajecca 11 dzion.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?