Prezident Rasii Uładzimir Pucin na sustrečy z pradprymalnikami raspavioŭ, što padčas pieramovaŭ u Minsku ŭkrainski lidar Piatro Parašenka prapanoŭvaŭ jamu zabrać Danbas. Pra heta časopisu Forbes raspaviali krynicy, znajomyja z chodam sustrečy.

Pa słovach adnaho z surazmoŭcaŭ vydańnia, Pucin raspavioŭ, što Parašenka prosta skazaŭ: «Zabirajcie Danbas». Na heta rasijski prezident adkazaŭ: «Zbrendziŭ, ci što? Mnie Danbas nie patrebny. Kali vam nie patrebny, to abviaścicie pra jaho niezaležnaść».

Prezident Ukrainy adkazaŭ, što na heta jon pajści nie moža. Inšaja krynica vydańnia kaža, što, sa słoŭ Pucina, Parašenka prapanoŭvaŭ addać Danbas na finansavaje zabieśpiačeńnie Rasii, a rasijski lidar adkazaŭ, što heta mahčyma tolki ŭ vypadku, kali rehijon uvojdzie ŭ skład RF.

Sustreča Pucina z pradstaŭnikami Rasijskaha sajuza pramysłoŭcaŭ i pradprymalnikaŭ, na jakoj jon raspavioŭ pra hutarku z Parašenkam, adbyłasia 19 sakavika. Pres-sakratar prezidenta Dźmitryj Piaskoŭ nie zmoh ni paćvierdzić, ni abvierhnuć hetyja źviestki.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?