Prapanovu ab uvachodžańni Danbasa ŭ skład Rasii ŭ adroźnieńnie ad idei suvierenitetu vyklikała b nieadnaznačnuju reakcyju z boku miascovych žycharoŭ, ličyć dyrektar analityčnaha departamienta «Alpary» Alaksandr Razuvajeŭ.
U paniadziełak u časopisie Forbes byŭ apublikavany artykuł pra toje, što ŭ chodzie svaich znosin ź biuro RSPP prezident RF Uładzimir Pucin nibyta raspavioŭ, što prezident Ukrainy Piatro Parašenka prapanoŭvaŭ Rasii «zabrać Danbas». Pres-sakratar prezidenta Dźmitryj Piaskoŭ admoviŭsia kamientavać hetuju infarmacyju, spasłaŭšysia na toje, što heta mierapryjemstva nasiła zakryty charaktar. Chaj heta budzie na ich sumleńni — raspaviadali jany praŭdu ci niapraŭdu, skazaŭ Piaskoŭ. Krychu paźniej Šochin zajaviŭ, što słovy Pucina byli niapravilna interpretavanyja i skažonyja.
«Padtrymka idei ŭvachodžańnia ŭ skład Rasii z boku žycharoŭ Danbasa u adroźnieńnie ad idei suvierenitetu naŭrad ci była b adnaznačnaj», — skazaŭ Razuvajeŭ.
Na jaho dumku, Rasija nie zacikaŭlenaja va ŭvachodžańni Danbasa ŭ svoj skład ni ekanamična, ni palityčna. Rehijon razburany vajnoj, i na jaho adnaŭleńnie patrebnyja surjoznyja hrošy, a va ŭmovach padzieńnia koštaŭ na naftu davodzicca ličyć kožnuju kapiejku, dadaje jon. Pry hetym, adznačaje analityk, nie varta zabyvać, što ŭ ciapierašni čas u maštabnych inviestycyjach maje patrebu Krym.
«Z vysokaj vierahodnaściu kanflikt na Uschodzie Ukrainy budzie zamarožany minimum na niekalki hadoŭ. Danbas, vierahodna, kančatkova sfarmiruje instytuty svajoj dziaržaŭnaści i ŭviadzie svaju valutu. Ukraina pastarajecca realizavać madel jeŭrapiejskaj intehracyi… Dla Rasii zamarozka kanfliktu aznačaje zamarozku režymu sankcyj. Adpaviedna, biznesu i šarahovym rasiejcam daviadziecca być ściplejšymi. A adzinym bujnym inviestaram zastanucca ŭrad i dziaržkarparacyi», — dadaŭ ekśpiert.
