Alaksandr Łukašenka pryniaŭ z dakładam kiraŭnika spraŭ prezidenta Biełarusi Viktara Šejmana. Ab hetym paviedamili ŭ pres-słužbie biełaruskaha lidara.
«Kiraŭniku dziaržavy paviedamlena ab pazityŭnaj dynamicy raboty padviedamnych Kiraŭnictvu spravami pradpryjemstvaŭ i arhanizacyj za 2 miesiacy biahučaha hoda. Tak, čysty prybytak pavialičyŭsia prykładna na treć, a vyručka ad realizacyi tavaraŭ uzrasła bolš jak na 20 pracentaŭ u paraŭnańni z anałahičnym pieryjadam minułaha hoda», — prainfarmavali ŭ pres-słužbie.
Viktar Šejman taksama dałažyŭ ab pierśpiektyvach raźvićcia Kiraŭnictva spravami na bližejšyja 3-4 hady, novych napramkach dziejnaści i płanach pa pavyšeńni efiektyŭnaści raboty. Kiraŭnik dziaržavy padtrymaŭ prapanovu ab stvareńni ŭ składzie Kiraŭnictva spravami šeraha novych pradpryjemstvaŭ, jakija buduć zajmacca vyrabam i pierapracoŭkaj miasa.
