U Rasii stvorany precedent pa nakładańni zabarony na vykarystańnie ŭ nazvach pradpryjemstvaŭ słoŭ, vytvornych ad nazvy našaj krainy: Biełaruś.

Arbitražny sud Krasnajarskaj vobłaści abaviazaŭ miascovych biźniesmienaŭ prybrać z nazvaŭ dvuch kampanij słovy «Biełoruśsija» i «Biełorusskij».

Pad sud trapili pradpryjemstvy «Produkt Biełoruśsii» i «Torhovyj dom «Biełorusskij». Ich uładalnikaŭ abaviazali pierarehistravać biźnies, ale ŭžo biez zhadki Biełarusi.

Abodva pazovy ŭ arbitraž padała inśpiekcyja Fiederalnaj padatkovaj słužby (IFPS) pa Krasnajarskim krai.

Padatkovyja orhany spasłalisia na artykuł 1473 Hramadzianskaha kodeksa Rasijskaj Fiederacyi, jakaja zabaraniaje vykarystoŭvać u firmiennaj naźvie jurydyčnaj asoby poŭnyja abo skaročanyja aficyjnyja nazvy zamiežnych dziaržaŭ, a taksama vytvornyja słovy.

Charakterna, što hetaja zabarona ŭ Rasii była uviedzienaja z 1 studzienia 2008 hoda.

Tym nie mienš, ułady Krasnajarskaha kraju zarehistravali ŭ červieni 2011 hoda TAA «Torhovyj dom «Biełorusskij», a ŭ mai 2013 — TAA «Produkt Biełoruśsii». Rehistracyjnyja paśviedčańni vydavała taja ž mižrajonnaja IFPS pa Krasnajarskim krai, jakaja ciapier raptam zaŭvažyła parušeńni zakona ŭ nazvach zhadanych firmaŭ i inicyjavała sudovy praces.

Na dumku ekśpiertaŭ, uładalniki «Torhovoho doma «Biełorusskij» i TAA «Produkt Biełoruśsii» pry žadańni mahli b adstajać hetyja nazvy. U pieršym vypadku, varta było b pasprabavać dakazać, što «Biełorusskij» maje niepasrednyja adnosiny da nacyi, a nie vytvornaje ad nazvy dziaržavy. Jašče praściejšaja zadača ŭ TAA «Produkty Biełoruśsii», pakolki takoj krainy niama, aficyjnaja nazva našaj dziaržavy Respublika Biełaruś.

Stvorany Arbitražnym sudom Krasnajarskaj vobłaści precedent moža vyklikać anałahičnyja pracesy i ŭ inšych rehijonach Rasii. U Rasii ciapier pracuje niekalki dziesiatkaŭ kampanij, u nazvach jakich jość słovy «Biełaruś», «Biełorusskij».

Darečy, u Biełarusi aktyŭna rehistrujucca i raźvivajucca kampanii, u jakich vykarystoŭvajucca «ruskija» nazvy. Da prykładu, na našym rynku pracuje «Russkaja traktornaja kompanija», jość TAA «Russkije masła», TAA «Kompanija «Russkij les». Adzin z najbujniejšych pradaŭcoŭ impartnych kandytarskich vyrabaŭ na terytoryi našaj krainy: Kiravalnaje TAA «Russkije sładosti». Pryčym, mienavita «Russkije sładosti» taksama źjaŭlajucca hałoŭnym pastaŭščykom ŭ Biełaruś pradukcyi pad ukrainskim brendam Roshen.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?