Suma zboru na finansavańnie dziaržaŭnych raschodaŭ u pamiery 20 bazavych vieličyń (BV) aryjencirovačna adpaviadaje siaredniaj paŭhadavoj sumie padachodnaha padatku ź fizičnych asob, vypłačanaha płacielščykami takoha padatku ŭ 2013 hodzie.

Ab hetym zajaviŭ namieśnik ministra pracy i sacyjalnaj abarony Biełarusi Valeryj Kavalkoŭ na anłajn-kanfierencyi «Ab papiaredžańni sacyjalnaha ŭtrymanstva», što prajšła na sajtach BIEŁTA i ministerstva.

Adkazvajučy na pytańnie ab tym, jak suadnosicca pamier zboru z sumaj dziaržraschodaŭ u raźliku na adnaho čałavieka, Valeryj Kavalkoŭ adznačyŭ, što ŭ adpaviednaści z dekretam numar 3 hramadzianin abaviazany zapłacić u biudžet za adpaviedny hod zbor na finansavańnie dziaržaŭnych raschodaŭ u sumie 20 bazavych vieličyń zychodziačy z pamieru bazavaj vieličyni, ustanoŭlenaj na 1 studzienia adpaviednaha padatkovaha pieryjadu.

Płacielščykami zboru na finansavańnie dziaržaŭnych raschodaŭ pryznajucca pracazdolnyja hramadzianie Biełarusi, zamiežnyja hramadzianie i asoby biez hramadzianstva, jakija atrymali dazvoł na pastajannaje pražyvańnie ŭ respublicy, u vypadku ich niaŭdziełu ŭ finansavańni dziaržaŭnych raschodaŭ abo ŭdziełu ŭ takim finansavańni mienš za 183 kalandarnyja dni ŭ kalandarnym hodzie.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?