U ZŠA pradstavili budzilnik Wake, zdolny pry dapamozie ultrahuku abudzić adnaho z tych, što znachodziacca ŭ łožku, nie turbujučy pry hetym inšaha, paviedamlajuć infarmahienctvy.

kickstarter.com

kickstarter.com

Pryłada złučajecca pa Wi-Fi z prahramaj dla smartfona, jakaja pakazvaje na čałavieka, što maje abudzicca. Dalej budzilnik znachodzić jaho na łožku z dapamohaj datčyka ciepłavoha vypramieńvańnia cieła, paśla čaho pasyłaje sfakusavanuju ultrahukavuju chvalu ŭ bok śpiačaha. U vyniku prybor stvaraje vuzkanakiravanuju chvalu, jakaja abudžaje tolki adnaho čałavieka. Adnačasova na jaho tvar śviecić lampa na biełych śviatłodyjodach: jana imituje soniečnaje śviatło, čym spryjaje naturalnamu abudžeńniu.

Stvaralniki praduhledzieli situacyju, kali čałaviek, nie žadajučy ŭstavać, pieravaročvajecca na druhi bok i znoŭ zasynaje — budzilnik budzie stvarać «štučny śvitanak» da taho času, pakul sonia nie ŭstanie z łožka.

Ciapier na kraŭdfandynhavym servisie Kickstarter abvieščany zbor srodkaŭ na pryładu (tam ža možna pahladzieć videa ab prajekcie). Im zajmajucca vynachodniki budzilnika — kampanija Lucera Labs. Dla startu vytvorčaści stvaralniki płanujuć sabrać jak minimum $100 tysiač. Miarkujecca, što adzin Wake budzie kaštavać $250.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?