AFP

AFP

Afiny nazvali hetu sumu paśla praviadzieńnia aficyjnych padlikaŭ, adnak Bierlin śćviardžaje, što heta pytańnie było jurydyčna ŭłahodžana šmat hadoŭ tamu.

Naziralniki tłumačać ciapierašnija finansavyja pretenzii levaradykalnaha ŭrada Hrecyi nabližeńniem terminu vielizarnych płaciažoŭ pa kredytach.

Pytańnie ab kampiensacyjach było ŭpieršyniu ŭźniata premjer-ministram Hrecyi Aleksisam Cyprasam padčas jaho vizitu ŭ Bierlin u sakaviku.

U sumu, jakuju Hrecyja choča atrymać ad urada Anhieły Mierkiel, uvachodzić pazyka ŭ 103 młrd jeŭra ŭ pieraliku na siońniašni kurs. Havorka idzie pra pazyku, jakuju Bank Hrecyi pradastaviŭ nacysckaj Hiermanii pad ciskam ź Bierlina.

«Pa našych padlikach, doŭh Hiermanii pa reparacyjach składaje 278,7 młrd jeŭra», — zajaviŭ namieśnik ministra finansaŭ Hrecyi Dzimitrys Mardas parłamienckaj kamisii, na jakuju ŭskładziena zadača pa rašeńni pazykovaha kryzisu krainy.

U 1960 h. Bierlin vypłaciŭ Afinam u jakaści kampiensacyi 115 młn niamieckich marak. Adnak, na dumku Afinaŭ, hetaja suma nie pakryvaje škody, pryčynienaj infrastruktury Hrecyi, vajskovyja złačynstvy i vydadzienuju pad ciskam pazyku.

Bierlin nastojvaje na tym, što pytańnie ab vajennych reparacyjach było vyrašana jurydyčna i palityčna ŭ 1990 hodzie, napiaredadni abjadnańnia Hiermanii.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?