Raspracoŭščyk i vydaviec videahulniaŭ Blizzard adklučyŭ u Krymie siervis Battle.net, nieabchodny dla vykarystańnia World of Warcraft, Diablo 3 i inšych hulniaŭ kampanii, paviedamlaje «Novyj Krym».

«Vy atrymali hety list tamu, što ŭ suviazi z handlovymi abmiežavańniami ŭ dačynieńni da Krymskaha rehijonu my vymušanyja prypynić dostup da vašaha ŭlikovaha zapisu Battle.net. Usie biahučyja padpiski buduć skasavanyja», — taki tekst atrymlivajuć žychary Kryma.

U liście adznačajecca, što dostup da ŭlikovych zapisaŭ mohuć viarnuć u vypadku skasavańnia sankcyj suprać Rasii i Kryma.

***

Zakon pra sankcyi suprać Rasii byŭ padpisany prezidentam ZŠA 18 śniežnia 2014 hoda. Minfin ZŠA daŭ amierykanskim kampanijam čas da 1 lutaha 2015 hoda na prypynieńnie adnosin z krymskimi klijentami.

Raniej svaje servisy adklučyli ci abmiežavali ŭ Krymie Apple, Google, PayPal i Steam.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?