Upieršyniu ŭ historyi 13 biełaruskich desantnikaŭ sumiesna z kantynhientami KSAR dziaržaŭ — členaŭ ADKB praviali paśpiachovaje masavaje desantavańnie na ldzinu, jakaja drejfuje ŭ Paŭnočnym Ledavitym akijanie ŭ niepasrednaj blizkaści ad polusa — u rajonie 89-ha hradusa paŭnočnaj šyraty.

Jak paviedamlaje pres-słužba Ministerstva abarony, desantavańnie prachodziła na pavierchniu, jakaja nie maje kankretna vyjaŭlenych aryjenciraŭ, z vysokaj ščylnaściu ledzianych tarosaŭ, u ciažkim mietearałahičnym i ladovym stanoviščy.

Vajskoŭcy va ŭmovach nizkich tempieratur ažyćciavili skački z parašutam z hruzavymi kantejnierami vahoj ad 30 da 50 kiłahramaŭ sa srodkami, nieabchodnymi dla zabieśpiačeńnia ratavalnych i evakuacyjnych mierapryjemstvaŭ.

U dalejšym padčas vykanańnia vučebnaj humanitarnaj pošukava-ratavalnaj ekśpiedycyi desantniki buduć pierajmać vopyt śpiecyjalistaŭ Ruskaha hieahrafičnaha tavarystva ŭ dziejańniach u ekstremalnych umovach Paŭnočnaha polusa pry ažyćciaŭleńni pošuku i padtrymańnia žyćcia paciarpiełych abo tych, jakija cierpiać biedstva.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?