Dźmitryj Jaraš

Dźmitryj Jaraš

Viarchoŭnaja Rada Ukrainy padtrymała zakonaprajekt, jaki pryznaje asobaŭ, jakija abaraniali niezaležnaść, suverenitet i terytaryjalnuju cełaść dziaržavy, vieteranami vajny, paviedamiŭ telekanał hromadske.tv.

Praz vykarystańnie farmuloŭki, pavodle jakoj status udzielnika bajavych dziejańniaŭ atrymlivajuć siabry «inšych vajskovych farmavańniaŭ, jakija abaraniali niezaležnaść Ukrainy i brali niepasredny ŭdzieł u antyterarystyčnaj apieracyi», atrymlivajecca, što dabraachvoniki roznych niedziaržaŭnych patryjatyčnych adździełaŭ taksama vyznajucca vieteranami.

Praŭda, umovaj atrymańnia takoha statusu źjaŭlajecca ŭklučeńnie na niejkim etapie takich adździełaŭ u skład Uzbrojenych sił Ukrainy, Ministerstva ŭnutranych spraŭ ci Nacyjanalnaj hvardyi.

Da taho ž status invalida vajny atrymlivajuć tyja, chto atrymaŭ ciažkija ranieńni ź liku dabraachvotnikaŭ i vałancioraŭ pry praviadzieńni antyterarystyčnaj aperacyi suprać rasiejskich bajavikoŭ.

Dobraachvotniki nacyjanalistyčnaj arhanizacyi Pravy Siektar, siarod jakoj jość i biełarusy, spadziavajucca na pastupovuju lehalizacyju svaich farmavańniaŭ paśla taho, jak lidar PS Dźmitry Jaraš staŭ daradcam u Hienštabie Ukrainy, paviedamiła žurnalistka i siabroŭka Dobraachvotnickaha Ukrainskaha Korpusa PS Alena Biełazierskaja.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?