Restaŭracyja pałaca Pusłoŭskich u 2011 hodzie. Fota: Siarhiej Hudzilin
Suśvietnaja turystyčnaja arhanizacyja (UNWTO) dapamoža Biełarusi raspracavać stratehiju pryvablivańnia turystaŭ, paabiacaŭ hienieralny sakratar arhanizacyi Taleb Rafai, pieradaje BIEŁTA.
Pa słovach hiensieka UNWTO, siońnia ŭžo na 80% raspracavany płan dapamohi Biełarusi ŭ farmavańni stratehii.
Asnoŭnyja napramki płanu — prasoŭvańnie turystyčnaha patencyjału krainy na mižnarodnym rynku, raźvićcio čałaviečaha patencyjału i raspracoŭka mietadałahičnaj bazy dla ŭdaskanaleńnia statystyki ŭ turystyčnaj halinie.
Rafai naviedaŭ Biełaruś u miežach kirmašu turystyčnych pasłuh «Adpačynak-2015», što prachodzić na «BiełEkspa». Taksama kiraŭnik arhanizacyi pakaštavaŭ biełaruskija stravy, u tym liku ŭpieršyniu pakaštavaŭ biarozavy sok.
***
Pa źviestkach Biełstata, u minułym hodzie Biełaruś naviedali 137,4 tysiačy arhanizavanych turystaŭ, što na 0,5% bolš za 2013 hod. Absalutnaja bolšaść ź ich (82%) — rasijcy.
Čytajcie taksama: Biełaruskija zamki: zasypcie ich piaskom!
