Partał Tuzin.fm i dabračynny fond «Viartańnie» i pry padtrymcy kampanii «Budźma biełarusami!» i partału TUT.BY abviaščajuć novy siezon konkursu «Zaśpiavaj 2.0» z pryzavym fondam 1000 jeŭra.

Arhanizatary konkursu zaprašajuć da ŭdziełu ŭ konkursie tvorčych asobaŭ va ŭzroście 15-27 hadoŭ uklučna ŭ dźviuch naminacyjach – «Kavier» i «Śpiavanaja paezija». Dla pieršaj treba pakazać aryhinalny kavier na viadomuju pieśniu na biełaruskaj movie. Dla druhoj – pakłaści na svaju muzyku vierš sučasnaha biełaruskaha paeta. Nichto nie zaminaje ŭdzielničać adrazu ŭ dźviuch naminacyjach. «My zaklikajem adkryć dla siabie biełaruski kosmas, padzialicca hetym adkryćciom z astatnimi i atrymać hodny start z dapamohaj našaha konkursu», – zajaŭlajuć zavadatary prajekta. U naminacyi «Kavier» aceńvacca pieradusim budzie nie adpaviednaść kavier-viersii aryhinału i navat nie stolki vakalnyja i techničnyja mahčymaści vykanaŭcaŭ, kolki šyrynia tvorčaha myśleńnia i stupień prasiaknutaści abranym śpieŭnym materyjałam. A ŭ naminacyi «Śpiavanaja paezija» budzie źviernutaja ŭvaha jak na abrany tekst, tak i na jaho aryhinalnuju muzyčnuju padaču, na harmaničnaje spałučeńnie muzyki i słova.

Pryzavy fond konkursu składzie 1000 jeŭra razam z pryjemnymi bonusami, a vybirać pieramožcaŭ u abiedźviuch naminacyjach budzie žury, kudy ŭvajšli muzyki Ihar Varaškievič («Krama»), Valery Dajnieka («Biełaruskija Pieśniary») i Aleh Chamienka («Pałac»), paety Adam Hłobus i Vital Ryžkoŭ, kulturołah Maksim Žbankoŭ, žurnalistka Taćciana Zamiroŭskaja i pradstaŭniki arhkamiteta konkursu Pavieł Bierahovič (kiraŭnik fondu «Viartańnie»), Nina Šydłoŭskaja (kaardynatar kampanii «Budźma biełarusami») i Siarhiej Budkin (pradziusar konkursu, hałoŭny redaktar partału Tuzin.fm).

Zajaŭki na konkurs prymajucca e-mail: [email protected] da 1.05.2015 ŭklučna, a vyniki buduć abvieščanyja da 14 traŭnia hetaha hoda. Usie padrabiaznaści pra ŭdzieł – na sajtach Tuzin.fm i Budzma.by.

Pieršy konkurs «Zaśpiavaj.by» prajšoŭ u 2014 hodzie. Pa jaho vynikach pieramožcam byŭ pryznany Vital Varanko, jaki zapisaŭ pieśniu «Viartajsia» na vierš Vitala Ryžkova.

Клас
Панылы сорам
Ха-ха
Ого
Сумна
Абуральна