Paśla śviatkavańnia Vialikadnia 12 krasavika, u pravasłaŭnych chramach Maskvy pačnuć čytać malebny ŭ dapamohu fiermieram i raźvićciu impartazamiaščeńnia ŭ Rasii, paviedamlajuć »Iźviestija». 

AFP

AFP

Hety fakt paćvierdziŭ namieśnik staršyni Sinadalnaha adździeła pa ŭzajemadziejańni Carkvy i hramadstva Ruskaj pravasłaŭnaj carkvy (RPC) śviatar Raman Bahdasaraŭ.

Sinadalny adździeł RPC vyznačyć, u jakija dni tydnia i ź jakoj pieryjadyčnaściu buduć ździajśniacca malebny, što buduć doŭžycca na praciahu hadziny, paśla pravasłaŭnaha Vialikadnia, jaki śviatkujecca ŭ hetym hodzie 12 krasavika. Tady ž budzie zaćvierdžanaja nazva ahulnaj malitvy za impartazamiaščeńnie.

«My nie možam vykarystoŭvać słovy, jakich niama ŭ ruskaj movie, tamu papiarednie možna skazać, što malebny buduć ździajśniacca «u padtrymku sialanstva ŭ Rasii». Bo ŭ im spakon vieku była ŭsia siła Śviatoj Rusi. My spadziajomsia, što malebny dapamohuć ziemlarobam, jakija chočuć mirna pracavać, - kaža Raman Bahdasaraŭ. — Nabaženstvy možna słužyć i ŭ budnyja, i ŭ vychadnyja dni, u luby čas: śviatar svoj hrafik zaŭsiody padbuduje pad viernikaŭ. I my budziem ździajśniać takija nabaženstvy dla viernikaŭ, pakul u ludziej u hetym jość patreba, choć 10 hadoŭ zapar. U malitvy dźvie ŭmovy — pastajanstva i viera».

Śviatar taksama aburajecca, što dziaržaŭnaja padtrymka ŭ Rasii akazvajecca tolki bujnym sielskahaspadarčym pradpryjemstvam, u toj čas jak małyja haspadarki pieražyvajuć kryzis i znachodziacca ŭ zaniapadzie: «A ludzi, jakija pracujuć na ziamli, sprabujuć padniać našu rasijskuju sielskuju haspadarku, atrymać dobry ŭradžaj i, jak śledstva, paspryjać pracesu impartazamiaščeńnia ŭ krainie».

Jašče adnym cikavym faktam źjaŭlajecca toje, što z pačatku sakavika 2015 ŭ chramie Śviaciciela Mikałaja na Troch Harach ŭ centry Maskvy pačali ździajśniacca malebny pra daravańnie Božaj dapamohi ipatečnym pazyčalnikam, taksama inicyjavanyja RPC pa prośbie paciarpiełych ad kryzisu rasiejcaŭ.

«Takija malitvy ciapier buduć adbyvacca stała raz na dva tydni pa niadzielach. Kožny raz da nas u chram prychodzić kala 150 čałaviek, — dadaŭ Bahdasaraŭ. — Naš Sinadalny adździeł ŭpaŭnavažany patryjarcham Kiryłam na praviadzieńnie takich masavych mierapryjemstvaŭ. Staršynia našaha adździeła pa ŭzajemadziejańni Carkvy i hramadstva Usievaład Čaplin źjaŭlajecca nastajacielem chrama Śviaciciela Mikałaja, tamu i pravodziacca malebny pa prośbach maskvičoŭ pakul tolki tam, adnak u inšych chramach taksama mahčyma praviadzieńnie padobnych malitvaŭ».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?