U Biełarusi niama nieabchodnaści publikavać dekłaracyi ab dachodach i majomaści čynoŭnikaŭ. Takoje mierkavańnie vykazaŭ hienieralny prakuror Alaksandr Kaniuk paśla pryniaćcia zakonaprajekta ab karupcyi ŭ pieršym čytańni.
«Navošta heta rabić? Zadavalniać abyvacielskuju cikavaść pra toje, u kaho što jość?» — skazaŭ hienprakuror.
Na zaŭvahu žurnalistki «Kamsamolkaj praŭdy», maŭlaŭ, takaja praktyka isnuje ŭ inšych krainach, Kaniuk adkazaŭ rezka:
«Tam i adnapołyja šluby zaklučajucca, i nieviadoma što robicca. Nie dumaju, što nam treba ślepa iści pa ich šlachu».
«Mnie taksama zdajecca, što heta nie zusim etyčna», — zajaviŭ Kaniuk. Jon rastłumačyŭ, što ŭ hetym jość kryminalnaja ryzyka. «Heta ž pramaja navodka. Navošta heta rabić?» — padkreśliŭ Alaksandr Kaniuk.
