Julija Vysockaja, kommersant.ru

Julija Vysockaja, kommersant.ru

Prajekt bratoŭ-režysioraŭ Andreja Kančałoŭskaha i Mikity Michałkova pa stvareńni sietki kafe rasijskaha fastfudu pad nazvaj «Jedim doma» nie atrymaje biudžetnych hrošaj, paviedamiła pres-sakratar vice-premjera Arkadzia Dvarkoviča Alija Samihulina.

«Miechanizmy małoha i siaredniaha biźniesu, na jakija moža pretendavać prajekt, nie novyja, jany ŭsio prapisanyja ŭ zakonie. Havorka idzie ab padatkovych ilhotach», - skazała Samihulina Ruskaj słužbie Bi-bi-si.

Pa słovach pres-sakratara, Dvarkovič pravioŭ naradu pa pytańni finansavańnia prajekta pa daručeńni prezidenta.

Michałkoŭ i Kančałoŭski raniej napisali list Uładzimiru Pucinu, dzie acanili vydatki na stvareńnie sietki chutkaha charčavańnia amal u miljard rubloŭ (amal 20 młn dołaraŭ), śćviardžajučy, što akupiać hetyja vydatki krychu mienš čym za piać hadoŭ.

Brend «Jedim doma» naležyć adnajmiennaj kampanii, u radzie dyrektaraŭ jakoj znachodzicca žonka Andreja Kančałoŭskaha - telekulinar i aktrysa Julija Vysockaja. Hetak ža nazyvajucca knihi ź jaje receptami.

Клас
Панылы сорам
Ха-ха
Ого
Сумна
Абуральна