Skandalny rasijski publicyst Alaksandr Prachanaŭ prapanavaŭ pryličyć Iosifa Stalina da liku śviatych. Pra heta jon zajaviŭ u efiry radyjostancyi «Hovorit Moskva».
Jon padkreśliŭ, što łičyć Stalina dabradziecielem carkvy i vystupaje za jaho kananizacyju.
«Pieramoha ŭ vajnie 1941—1945 hadoŭ ličycca śviatoj. Bo ŭ hetaj vajnie syšlisia piakielnyja siły i rajskija siły. Piakielnyja siły — heta Hitler i fašyzm. Rajskija siły — heta Saviecki Sajuz. A Iosif Visaryjonavič źjaŭlajecca lidaram śviatoj chrystovaj pieramohi», — padkreśliŭ Prachanaŭ.
Piśmieńnik taksama dapuściŭ mahčymaść ikony z vyjavaj Stalina. «Na hetaj ikonie Stalin bieź nimbaŭ. Vasileŭski, Žukaŭ, Rakasoŭski bieź nimbaŭ. Heta prosta śviedki taho, što Dziaržaŭnaja Božaja Maci — heta ikona Dziaržaŭnaj Božaj Maci - jana aśviačaje našu ŭładu i naša dziaržava Rasijskaje», — padsumavaŭ Prachanaŭ.
28 maja źjaviłasia infarmacyja ab tym, što ŭ Biełharodskaj vobłaści Rasii prajšła licija (karotki malebien) kala abraza, na jakoj adlustravany Iosif Stalin i savieckija maršały. Słužbu na Procharaŭskim pole ŭ Biełharodskaj vobłaści pravioŭ afonski ijeramanach Afinahien.
