Fota: pestpurge.co.uk
Amierykanskija navukoŭcy praanalizavali strukturu mozhu 180 samak vos 29 vidaŭ i pryjšli da vysnovy ab skaračeńni ŭ hramadskich nasiakomych ŭčastkaŭ mozhu, adkaznych za paznańnie śvietu, pra što raspaviali ŭ časopisie Proceedings of the Royal Society B.
U vos, što žyli ŭ hrupach i kałonijach, hrybavidnaje cieła, što ŭ mozhu adkazvaje za ŭsprymańnie, navučańnie i pamiać, było značna mienšych pamieraŭ, čym u vos-adzinočak.
Padobna, što ŭ chodzie evalucyi «hramadskija» vosy, što mieli mienšuju za adzinočak patrebu ŭ acency i paznańni asiarodździa, stali spadziavacca na infarmacyju ad susiedziaŭ, što dazvoliła źnizić enierhazatraty arhanizmu.
Mahčyma, pa tym ža miechaniźmie raźvivaŭsia i dehradavaŭ mozh inšych hramadskich nasiakomych.
Advarotny praces išoŭ u pazvanočnych žyvioł (ludziej u tym liku): čym bolš aktyŭnym stanaviłasia hramadskaje žyćcio, tym bolš raźvivaŭsia mozh. Navukoŭcy tłumačać heta kanfliktami ŭ hramadstvach pazvanočnych, dziela pieramohi ŭ jakich treba dadatkovyja resursy mozhu. Nasiakomyja tym časam praktyčna nie kanfliktujuć u hrupach, a jadnajuć siły dziela supolnaj pracy i vyžyvańnia.
