Na try miesiacy vostraŭ Kamsamolcaŭ u akvatoryi Kamsamolskaha voziera pieratvaryŭsia ŭ muziej sučasnaha biełaruskaha mastactva pad adkrytym niebam. 18 červienia ŭ Minsku adkryŭsia mastacki prajekt «Art-Astravy».
Upieršyniu ŭ Biełarusi pad adkrytym niebam pradstaŭlenyja 14 šmatmietrovych prastoravych abjektaŭ dvanaccaci viadomych biełaruskich mastakoŭ. Vystava budzie doŭžycca na praciahu ŭsiaho leta i budzie dastupnaja minčanam i haściam stalicy biaspłatna.
Ihar Lavonćjeŭ — Pryščepka.
Dzianis Barsukoŭ — Syrny fatel.
Piotr Kuźmič — Huk.
Na adkryćci ekspazicyi hraŭ arkiestr.
Pavieł Vajnicki — Vaviłonskaja vieža.
Taćciana Hamza — Rybny dzień.
Kanstancin Sielichanaŭ — Pieraklučalnik.
Mackievič Vadzim, Jermałovič Siarhiej — Chadulist.
Viktar Aster — Žalezny chakieist.
Prajekt «Art-Astravy» pradstaviŭ samaj šyrokaj aŭdytoryi asnoŭnyja kirunki raźvićcia biełaruskaha contemporary art i stvoryć pierśpiektyŭnuju art-placoŭku dla realizacyi tvorčych inicyjatyŭ mastakoŭ. Taksama prajekt imkniecca raspracavać miechanizmy ŭkaranieńnia i harmaničnaha isnavańnia art-abjektaŭ u kantekście zvykłaha haradskoha asiarodździa.
U prajekcie ŭdzielničajuć Kanstancin Sielichanaŭ, Kanstancin Kaściučenka, Michaił Šykaŭ, Pavieł Vajnicki, Valeryj Małachaŭ, Vadzim Mackievič, Siarhiej Jermałovič, Ihar Leonćjeŭ, Dzianis Barsukoŭ, Taćciana Homza, Piotr Kuźmič, Viktar Aster.
Prajekt «Art-Astravy» realizujecca Centram Sučasnych Mastactvaŭ i ahienctvam sacyjalnaha markietynhu «GrandBS» pry padtrymcy Minskaha haradskoha vykanaŭčaha kamiteta i Ministerstva kultury Republiki Biełaruś. Hienieralny sponsar prajekta – Alfa-Bank (Biełaruś).