BATE razhramiŭ «Viciebsk» ź likam 4:0.
Dahetul lidar čempijanatu (u kłuba było siem pieramohaŭ i dźvie ničyi) pieramahaŭ, maksimum zabivajučy dva miačy («Dynama» Minsk — 2:0, «Homiel» — 2:0), a piać pieramohaŭ było atrymana ź likam 1:0 («Słavija», «Nioman», «Biełšyna», «Minsk», «Hranit»).
Taksama barysaŭski kłub pakul nie prapuskaje ŭ čempijanacie.
Minskaje «Dynama» vyjhrała siońnia ŭ «Słucka» ź likam 2:0. «Šachcior» zhulaŭ uničyju z «Hranitam» — 1:1.
Čatyry hulni prajšli ŭ sieradu.
Paśla 10 turaŭ: BATE — 26, Biełšyna, Dynama Minsk — 18, Šachcior — 17, Naftan — 16, Hranit — 15, Homiel, Dynama Brest — 13, Słavija — 12, Tarpieda-BiełAZ, Minsk — 11, Nioman — 9, Viciebsk — 7, Słuck — 5.
Matčy 11-ha tura projduć užo ŭ niadzielu i paniadziełak. BATE hulaje ŭ haściach z «Naftanam», minskaje «Dynama» — sa «Słavijaj», a «Biełšyna» ŭ haściach z «Minskam».
