Staršynia Sinadalnaha adździeła RPC pa ŭzajemadziejańni carkvy i hramadstva protaijerej Usievaład Čaplin padčas dyskusii ŭ efiry radyjo «Echo Moskvy» vykazaŭ spadziavańni, što mirnaje i spakojnaje žyćcio chutka skončacca.
«Śvieckaść — heta miortvaja ideałohija. Kali hramadstva žyvie va ŭmovach adnosnaha miru, — spakoju, sytaści, — niejkuju kolkaść dziesiacihodździaŭ, paračku-troječku, jano moža pražyć va ŭmovach śvieckaści. Nichto nie pojdzie pamirać za rynak ci demakratyju, a nieabchodnaść pamirać za hramadstva, jaho budučyniu rana ci pozna ŭźnikaje. Mir doŭhim nie byvaje. Mir zaraz doŭhim, dziakuj Bohu, nie budzie. Čamu ja kažu «dziakuj Bohu» — hramadstva, u jakim zanadta šmat sytaha i spakojnaha, biesprablemnaha, kamfortnaha žyćcia — heta hramadstva, pakinutaje Boham, heta hramadstva doŭha nie žyvie.
Bałans pamiž śvieckaściu i relihijnaściu, napeŭna, vypravić sam Boh, ŭmiašaŭšysia ŭ historyju i pasłaŭšy pakuty. Pakuty, jakija ŭ hetym vypadku pojduć na karyść. Tamu što jany dazvolać apamiatacca tym, chto zanadta pryvyk žyć cicha, spakojna i kamfortna. Pryjdziecca pažyć inakš. I voś tady sapraŭdny bałans znoŭ vymalujecca».
U adkaz apanient Čaplina Leanid Hozman źviarnuŭ uvahu, što «protaijerej Usievaład Čaplin tolki što skazaŭ: dziakuj Bohu, što budzie vajna».
«Kali ludzi pryvykli žyć zanadta spakojna, lepš, kab była», — kiŭnuŭ Čaplin.
Taksama protaijerej vykazaŭsia na temu ŭzajemaadnosin ułady i hramadstva ŭ Rasii: «Naš narod siabie ad načalstva nie adździalaje. Jak vy ni sprabujecie raskałoć narod i ŭładu, ničoha nie atrymlivajecca. Ideja adzinstva naroda i ŭłady heta jak raz naturalnaja dla našaha naroda, pravasłaŭnaha u bolšaści svajoj naroda, i dla musulmanskich narodaŭ Rasii — heta naturalnaja ideja. Ničoha vy z hetym nie zrobicie».
Na pytańnie ab tym, čamu cerky i śviatary tak bahata ŭbranyja, Čaplin daŭ šykoŭny adkaz: «Ludzi prychodziać i kuplajuć sami śviataru załačony kryž, kuplajuć mašyny i kuplajuć zołata dla ikanastasa i ŭpryhožvajuć abrazy. Jakraz na ikanastas i na ikony zvyčajna biźnies nam ničoha nie daje. Ludzi prychodziać i kažuć: chočam, kab u chramie byŭ pazałočany patryjarch, pazałočany kryž, ci niešta ŭ hetym rodzie».
Nahadajem, što Usievaład Čaplin — aficyjny pradstaŭnik Maskoŭskaj patryjarchii.