Siarod bajcoŭ śpiecroty «Tarnada», jakija padazrajucca ŭ ździajśnieńni ciažkaha złačynstva, jość hramadzianin Biełarusi, jaki da hetaha času znachodzicca na bazie padraździaleńnia ŭ Łuhanskaj vobłaści.
Pra heta zajaviŭ na bryfinhu ŭ Kijevie ŭ piatnicu namieśnik hienieralnaha prakurora — hałoŭny vajenny prakuror Anatol Macijos.
«Na terytoryi bazy znachodzicca adzin ź niezatrymanych asnoŭnych udzielnikaŭ hetaha złačynstva — hramadzianin Biełarusi, jaki nie źjaŭlajecca supracoŭnikam milicyi. Taksama vymušany pryznać, što siarod hetych asob, pavodle našych dadzienych, paćvierdžanych dakumientalna, znachodzicca 43 raniej asudžanyja asoby, častka ź jakich intehravanyja i pryniatyja na słužbu», — zajaviŭ Macijos.
Pavodle jaho słoŭ, śledstva i MUS buduć raźbiracca, «chto pry jakich umovach i pa jakich pryčynach pryniaŭ rašeńnie ab pryniaćci na pracu ŭ orhany ŭnutranych spraŭ hetych asobaŭ».
Pavodle śćviardžeńnia hałoŭnaha vajennaha prakurora, mienavita hetyja ludzi źjaŭlajucca asnoŭnymi padbuchtorščykami da taho, kab asnoŭnaja masa tych bajcoŭ, da jakich niama pretenzij, supraćdziejničali pravaachoŭnikam.
Macijos raspavioŭ, što na terytoryi bazy znachodzicca bolš za 170 čałaviek. 70 ź ich nie źjaŭlajucca supracoŭnikami milicyi, ale ŭ ich na rukach jość zbroja.
