Dzie ŭ Eŭraźviazie tanna, a dzie, naadvarot, ciažka raspłacicca? Adkazy na hetyja pytańni možna znajści ŭ spravazdačy Eŭrapiejskaha statystyčnaha biuro Eurostat.
Samaj dastupnaj krainaj Eŭraźviazu, miarkujučy pa cenach, źjaŭlajecca Baŭharyja, dzie košty amal udvaja nižejšyja za siarednija pa Eŭropie. Na advarotnym kancy rejtynhu znachodzicca Danija, dzie ceny pieravyšajuć siaredniestatystyčnyja (u ramkach EZ) na 38 adsotkaŭ.
U Čechii samyja tannyja ŭ Eŭropie lehkavyja aŭtamabili i bytavaja elektronika, jakaja amal stolki ž kaštuje i ŭ Polščy. Darahimi aŭto, naadvarot, słavicca Danija, Halandyja i Partuhalija. Samaja darahaja elektronika — na Malcie.
Alkahol i tytuń vyhodna kuplać u Čechii, Rumynii, Baŭharyi i Vuhorščynie. Samyja vysokija ceny na hetyja tavary ŭ Irlandyi, u Vialikabrytanii i ŭ Finlandyi.
Jak pakazała daśledavańnie eŭrapiejskich statystykaŭ, pradukty charčavańnia najtańniejšyja ŭ Polščy, Rumynii i Baŭharyi. Za adzieńniem maje sens pajechać u Vuhorščynu.
Hałoŭnaja pryčyna takoha značnaha roskidu cenaŭ — roznyja systemy padatkaabkładańnia ŭ toj ci inšaj krainie EZ.
Samyja tannyja restaracyi i hateli možna znajści ŭ Baŭharyi, samyja darahija — u Danii.
Pry hetym najbiadniejšaja dziaržavaj Eŭraźviazu ličycca Baŭharyja, najbahaciejšaj — Luksemburh.
