U hetyja dni na bazie 11-j hvardziejskaj asobnaj miechanizavanaj bryhady prajšoŭ čempijanat Uzbrojenych sił pa stralbie z asabistaj zbroi (ź pistaletaŭ i šturmavych vintovak), paviedamiła hazieta Ministerstva abarony.
Fota z Facebook-akaŭnta Ministerstva abarony Biełarusi.
U zmahańni pryniali ŭdzieł vosiem kamand: VPS i SPA, siły śpiecyjalnych apieracyj, častki centralnaha padparadkavańnia, 72-i hvardziejski Abjadnany vučebny centr padrychtoŭki praparščykaŭ i małodšych specyjalistaŭ, Zachodniaje i Paŭnočna-Zachodniaje aperatyŭnyja kamandvańni, Vajennaja akademija i vajennyja fakultety.
U kožnaj kamandzie było pa 6 udzielnikaŭ.
Spabornictvy pravodzilisia ŭ nastupnych katehoryjach: stralba ź pistaleta Makarava na 25 m, stralba z AK-74 na 100 m, praktyčnaja (padčas ruchu) stralba ź pistaleta i aŭtamata.
Pieramožcami ŭ kamandnym zaliku stali pradstaŭniki Vajenna-pavietranych sił i vojskaŭ supraćpavietranaj abarony. Druhoje miesca zaniała kamanda Vajennaj akademii, bronzu atrymali bajcy Sił specyjalnych aperacyj.
U hetyja ž dni na hetym ža miescy prachodzić čempijanat pa taktyčnaj (chutkasnaj) stralbie siarod padraździaleńniaŭ śpiecyjalnaj i vajskovaj raźviedki Uzbrojenych siłaŭ. Mahčyma, hetym tłumačycca adnosna nievysokija kamandnyja vyniki piechacincaŭ i vajskovych śpiecnazaŭcaŭ u ahulnavajskovym čempijanacie.
