U Minsku 19 červienia a 21-j hadzinie na Łahojskim trakcie kala kramy «Hipa» byli zatrymanyja aktyvisty Maksim Viniarski, Leanid Kułakoŭ i Siarhiej Mackojc. Pra heta paviedamiła pravaabaronca Maryja Kaścian.
Aktyvistaŭ zatrymali padčas sproby vyviesić raściažku «Svabodu Juryju Rubcovu».
Spačatku ich advieźli ŭ Pieršamajski RUUS, a ciapier jany znachodziacca ŭ izalatary mienskaj rajonnaj milicyi pa na vulicy Franciška Skaryny, 20. Čakajecca, što sud nad aktyvistami budzie ŭ paniadziełak u Mienskim rajonnym sudzie.
Aktyvistaŭ abvinavačvajuć u drobnym chulihanstvie.
Jury Rubcoŭ byŭ asudžany na 2 hady źniavoleńnia paśla taho, jak admoviŭsia pracavać na «chimii» za nizki zarobak i zrabiŭ na hrudzi tatuiroŭku «Łukašenka, sychodź» jašče na 2 hady źniavoleńnia i ciapier znachodzicca ŭ IČU ŭ Baranavičach. Na chimiju jon trapiŭ za abrazu sudździ, jaki sudziŭ Rubcoŭva, niahledziačy na toje, što taho pryvieźli na praces biaź vierchniaha adzieńnia.
