U dzień śviatkavańnia Sabora Biełaruskich śviatych, jaki sioleta adznačajecca 21 červienia, Patryjarch Maskoŭski i ŭsioj Rusi Kirył uznačaliŭ Boskuju liturhiju ŭ Śviata-Vaskrasienskim sabory Bresta.
Bohasłužeńnie patryjaršym čynam pačałosia ŭ 10.00. Da hetaha času na terytoryi chrama sabralisia šmatlikija pałomniki, pa dadzienych pradstaŭnikoŭ Bresckaj jeparchii, nie mienš za 15 tys. čałaviek. Nižni i vierchni chramy zmahli źmiaścić kala 3 tys. viernikaŭ. Dla tych, chto nie zmoh trapić ŭnutr sabora, arhanizavana pramaja tranślacyja pa dvuch vialikich manitorach.
Kiraŭniku RPC dapamahajuć archirei Biełaruskaha ekzarchata, pradstaŭniki pravasłaŭnych jeparchij z Rasii, Ukrainy, Polščy, šmatlikaje duchavienstva.
Ad śvieckich uładaŭ u śviatočnym bohasłužeńni biaruć udzieł staršynia Bresckaha abłvykankama Anatol Lis, Upaŭnavažany pa spravach relihij i nacyjanalnaściaŭ Leanid Hulaka, deputaty parłamienta, pradstaŭniki kiraŭnictva vobłaści i horada, dypłamatyčnaha korpusa, inšyja aficyjnyja asoby.