Z aeradroma avija-spartyŭnaha kłuba DTSAAF horada Išym Ciumienskaj vobłaści (Rasija) skrali dva pryvatnyja samaloty, paviedamlajecca na sajcie rehijanalnaha śledčaha ŭpraŭleńnia ŭ niadzielu, 21 červienia.
Pavodle papiarednich źviestak, prykładna ŭ 04:50 z uźlotna-pasadačnaj pałasy aeradroma na adchilenych ad palotaŭ pryvatnych samalotach Gardan GY-80-160 i «Jak-52» byli zrobleny niesankcyjanavanyja ŭźloty. Praź niekatoryja čas piłot «Jak-52» z-za techničnaj niaspraŭnaści samalota ździejśniŭ avaryjnuju pasadku na aeradromie kłuba DTSAAF horada Jałutaraŭsk. Pry hetym samalot sutyknuŭsia ź inžynierna-techničnymi zbudavańniami aeradroma.
Zatym «na hetym ža aeradromie sieŭ druhi samalot Gardan GY-80-160, zabraŭ saŭdzielnika i nakiravaŭsia ŭ bok Maskvy», paviedamiła krynica TASS u pravaachoŭnych orhanach.
Śledčyja šukajuć samalot, udakładniajecca ŭ pres-relizie śledčaha ŭpraŭleńnia.
