Pra heta zajaviŭ siońnia Patryjarch Maskoŭski i ŭsioj Rusi Kirył padčas kazani paśla Boskaj liturhii ŭ Śviata-Vaskrasienskim sabory Bresta.
Kiraŭnik RPC adznačyŭ, što dla jaho vialikaja radaść ździejśnić u hetym vieličnym sabory Bresta ŭračystuju liturhiju.
«My znachodzimsia na samym zachodnim pamiežžy Śviatoj Rusi. Tak jaje nazyvali letapiscy i śviatyja ŭhodniki carkvy nie tamu, što našy ludzi byli bolš śviatymi, čym tyja, chto žyŭ u inšych miescach. Usiakaje było i na našaj ziamli: i śviataść, i hrech, i luboŭ da Boha i bohaadstupnictva. Dy i pa kolkaści chramaŭ Ruś nie zaŭsiody pieraŭzychodziła svaich susiedziaŭ. Ale ŭ čymści jana zaŭsiody pieraŭzychodziła mnohija narody, čamu i stała nazyvacca śviatoj. Bo śviataść była ahulnanacyjanalnym ideałam. Niama bolš jarkaj i pryvabnaj mety dla ludziej, jak stać padobnym da śviatych ludziej. I hetaja kaštoŭnasnaja daminanta žyćcia vyznačała šmat u čym i kulturu našu, i kirunak našaj adukacyi, i litaraturnuju tvorčaść, i, narešcie, śvietaadčuvańnie ludziej, ich razumieńnie taho, što jość dabro i što — zło, kudy treba ŭ žyćcia iści, jakija mety dasiahać. Redka dzie śviataść źjaŭlajecca nacyjanalnym ideałam i nacyjanalnaj idejaj», — skazaŭ patryjarch.
Hety ideał i viera, pa słovach Jaho Śviataści, dapamahli narodam vynieści losavańnie ciarpieńnia i nie stracić nadzieju ŭ hady vialikich vyprabavańniaŭ. «Mienavita ŭ hetym siła našaha naroda, jaho niepieramožnaść. Tamu i śviata Pieramohi, 70-hodździe jakoj my adznačajem u hetym hodzie, — nie prosta histaryčny dzień i śvieckaje śviata. Jano maje vialikaje duchoŭnaje značeńnie, bo vajna stała strašnym ekzamienam dla ŭsiaho naroda. Pierad tvaram strašnaha voraha adbyłosia adradžeńnie viery.
Tam, u akopach na pieradavoj, za Brestam i ŭ samoj Bresckaj krepaści nie było niavierujučych ludziej», — adznačyŭ kiraŭnik RPC.
Jon nazvaŭ biełaruski narod nabožnym, adznačanym niejkaj asablivaj boskajj charyzmaj: spakojem, zdolnaściu słuchać i čuć, nabožnaściu, pakoraj, jakija nie źjaŭlajucca słabaściu.
«Siońnia ja pierakanaŭsia ŭ tym, što na zachodnim pamiežžy Śviatoj Rusi isnuje duchoŭnaja ćviardynia — pravasłaŭnaja carkva Bresta», - skazaŭ na zakančeńnie patryjarch.
U pamiać ab svaim vizicie jon padaryŭ Śviata-Vaskrasienskamu saboru staradaŭniuju ikonu z 12-ju śviatami, a Mitrapalitu Minskamu i Zasłaŭskaha Paŭłu, Patryjaršamu Ekzarchu ŭsioj Biełarusi, a taksama jepiskapu Bresckamu i Kobrynskamu Iaanu — pamiatnyja kryžy z panahijaj, vyrablenyja ŭ honar 1000-hodździa z dnia śmierci śviatoha roŭnaapostalnaha kniazia Uładzimira. Pradstajaciel pažadaŭ pośpiechu ŭsiamu biełaruskamu jepiskapatu i błasłaviŭ viernikaŭ, jakija sabralisia na nabaženstva.
