Maskoŭskaja palicyja praviaraje infarmacyju ab intym-sałonie, jaki dziejničaŭ pad vidam cyrulni ŭ centry horada, niedaloka ad stancyi mietro «Biełaruskaja», pieradaje Bi-Bi-Si. Aficyjna tam znachodziłasia mužčynskaja cyrulnia, klijentaŭ jakoj stryhli aholenyja dziaŭčaty.

Pa dadzienych śledstva, za dadatkovuju płatu klijent moh i sam raspranucca padčas stryžki, a taksama skarystacca intymnymi pasłuhami.

Videazapis takoj stryžki palicyi pieradaŭ adzin z naviedvalnikaŭ, paviedamlaje «Rasija 24».

Na ŭstanovu taksama paskardzilisia supracoŭniki raźmieščanaha ŭ tym ža budynku reabilitacyjnaha centra dla chvorych aŭtyzmam.

Videazapis z «viasiołaha sałona» źjaviŭsia i na YouTube. U kamientary da jaho skazana, što supracoŭniki centra dla dziaciej-aŭtystaŭ zaŭvažyli, što dvor kala ich ustanovy staŭ karystacca vialikaj papularnaściu ŭ padvypiłych mužčyn. Niekatoryja klijenty «cyrulni» pasprabavali ŭłamicca ŭ dziciačy centr, pierabłytaŭšy dźviery. Jak vyśvietliłasia, u niezvyčajnuju cyrulniu vystrojvalisia cełyja čerhi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?