19 śniežnia 2010 hoda, u dzień prezidenckich vybaraŭ, adbyłasia masavaja manifiestacyja pratestu suprać falsifikacyi vybaraŭ i za adstaŭku Alaksandra Łukašenki. Kali demanstranty dajšli da płoščy Niezaležnaści, pravakatary raspačali bićcio vokan Doma ŭrada. Heta stała padstavaj dla razhonu, aryštu socień ludziej i pahromu apazicyjnych asiarodkaŭ.
Fotakamiery zafiksavali tady niekalki čałaviek, jakija prynieśli «invientar» (rydloŭki, bruski) i raspačali bićcio šybaŭ.
Voś nieprykmietny mužčyna ŭ kurtcy z kapiušonam padnosić da Doma ŭrada rydloŭki.
Hety čałaviek prynios rydloŭki da hanku Doma ŭrada za ličanyja chviliny da «šturmu». Fota karpenkod.blogspot.com
A voś čałaviek bje vokny brusom.
Mužčyna bje vokny zboku ad hałoŭnaha ŭvachodu. Źviarnicie ŭvahu na apierataraŭ śpiecsłužb z charakternymi małymi kamierami, jakija zdymajuć jaho sa śpiny.
Voś jon užo ź inšaj «zbrojaj» — pakunkam ksieraksnaj papiery kala akon, zahadzia abaronienych ščytami śpiecnaza. Fota Alaksiej Hromaŭ.
A tut stvarajecca ŭražańnie ahresii demanstrantaŭ da śpiecnazaŭcaŭ. Hetaje fota abyšło dziaržaŭnyja haziety. Fota Andrej Śmirnoŭ.
Hety čałaviek na vačach u žurnalistaŭ tady spakojna syšoŭ z płoščy Niezaležnaści ŭ kampanii niekalkich mužčyn.
I voś padčas šeścia na Dzień Voli — 2016 u abjektyŭ kamiery žurnalista «Našaj Nivy» trapiŭ nadziva padobny mužčyna. Jon byŭ navat apranuty hetaksama — u čornuju šapačku i šeruju spartovuju kurtku z tryma pałoskami na plačach.
25 sakavika hety čałaviek nie skandavaŭ łozunhaŭ razam z usimi, trymaŭsia kala kraju kałony i paźbiahaŭ kamier. Ale sam čas ad času spyniaŭsia i fatahrafavaŭ kałonu demanstrantaŭ.
Vielmi padobna, što heta toj samy heta čałaviek.