Hrodna płanuje realizavać ź litoŭskimi partniorami prajekt pa adnaŭleńni sudnachodnaha šlachu pamiž Hrodna i Kaŭnasam, paviedamiŭ staršynia Hrodzienskaha harvykankama Miečysłaŭ Hoj.
Mahčymaść realizacyi prajekta abmiarkoŭvałasia na sustrečy kiraŭnictva Hrodna z administracyjaj šaści haradoŭ Litvy. Litoŭskija partniory prajaŭlajuć vialikuju cikavaść da idei, paviedamiŭ mer. Jaje sutnaść — u arhanizacyi mižnarodnaha vodnaha šlachu pa rečyščy Niomana, jaki dazvolić stvarać i papularyzavać transhraničnyja turystyčnyja pradukty. U pierśpiektyvie heta daść mahčymaść vodnych znosin taksama i z Polščaj praz Aŭhustoŭski kanał. Košt prajekta aceńvajecca prykładna ŭ 6 młn jeŭra.
Dla ažyćciaŭleńnia idei budzie nieabchodna pravieści dobraŭparadkavańnie ź biełaruskaha boku pahraničnaha pasta (ciapier tam jość tolki bietonnaja placoŭka), na litoŭskaj terytoryi pryjdziecca pahłybić farvater na praciahu 18 km. Hłybinia raki ad Hrodna da litoŭskaj miažy dastatkovaja dla sudnachodstva. Taksama ŭ vypadku realizacyi prajekta płanujecca nabyćcio 1-3 pasažyrskich sudoŭ.
Zacikaŭlenyja baki padrabiaźniej abmiarkujuć pierśpiektyvy hetaha prajekta na sustrečy ŭ mai, płanujecca padpisać miemarandum. Prajekt chočuć ažyćciavić z pryciahnieńniem srodkaŭ prahramy mižnarodnaj techničnaj dapamohi, dla ŭdziełu ŭ konkursie budzie rychtavacca adpaviednaja zajaŭka.
