Viadomy biełaruski mastak i dyzajnier Uładzimir Ceśler učora adśviatkavaŭ jubilej.

Uładzimir Ceśler naradziŭsia ŭ Słucku ŭ 1951 hodzie. Skončyŭ u 1980 hodzie adździaleńnie dyzajnu BDTMI — Biełaruskaha dziaržaŭnaha teatralna-mastackaha instytuta ŭ Minsku (ciapier Biełaruskaja dziaržaŭnaja akademija mastactvaŭ).

Z 1978 hoda pracavaŭ sumiesna ź Siarhiejem Vojčankam. Mižnarodnuju viadomaść tandem nabyŭ najpierš u vobłaści płakata (bolš za 30 uznaharod mižnarodnych konkursaŭ i bijenale).

Šyrokuju viadomaść nabyŭ «Prajekt stahodździa. 12 z XX» Ceślera i Vojčanki, u jakim dvanaccać samych značnych mastakoŭ XX stahodździa byli pradstaŭlenyja ŭ vyhladzie jajek. Prajekt ekspanavaŭsia ŭ DMII im. Puškina ŭ Maskvie (1999-2000), u Muziei Ludviha pry Dziaržaŭnym Ruskim muziei ŭ Sankt-Pieciarburhu (2000), na Vieniecyjanskaj bijenale (2005 h.).

U ciapierašni čas Ceśler pracuje ŭ roznych kirunkach: płakat, art-abjekt, žyvapis, skulptura, hrafika, rekłama, pramysłovy dyzajn i t. D.

Darečy, jaho płakat «Woodstock 30 years» znachodzicca ŭ muziei rekłamy pry Łuŭry.

Raboty mastaka znachodziacca ŭ muziejach Biełarusi, Francyi, Hiermanii, Kanady, Polščy, Rasii, Paŭdniovaj Karei, Japonii.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?