Pažyły ekvadoriec pralažaŭ pad zavałami 13 dzion paśla ziemlatrusu i vyžyŭ, paviedamlajuć infarmahienctvy.

Ratavalniki ź Vieniesueły, jakija pracujuć u horadzie Charamicha, viečaram 29 krasavika znajšli 72-hadovaha Manuela Vaskiesa pad abłomkami častkova razburanaha budynka. Paciarpieły byŭ nieadkładna špitalizavany z papiarednim dyjahnazam chraničnaja nyračnaja niedastatkovaść, mocnaje abiazvodžvańnie i źniasileńnie. Pažyły čałaviek taksama straciŭ niekalki palcaŭ na levaj nazie.

Ziemlatrus mahnitudaj 7,8 adbyŭsia 16 krasavika na paŭnočnym zachadzie Ekvadora. Kataklizm zabraŭ žyćci 660 čałaviek, jašče 48 prapali bieź viestak. Bolš za 17 tysiač žycharoŭ źviarnulisia pa miedycynskuju dapamohu.

Клас
0
Панылы сорам
0
Ха-ха
0
Ого
0
Сумна
0
Абуральна
0