Nie čakajučy pryniaćcia rašeńnia ab vyvadzie z abaračeńnia kupiur naminałam 500 jeŭra, Jeŭrapiejski centralny bank (JECB) tajemna raspačaŭ ich źniščeńnie, piša niamieckaja hazieta Die Welt.

Pačynajučy sa śniežnia 2015 hoda, kolkaść takich banknot u abaračeńni pastupova pamianšajecca.

Pavodle źviestak vydańnia, za try apošnija miesiacy kolkaść takich kupiur pamienšała amal na 20 młn štuk — z amal 614 da 594 miljonaŭ.

Ich pastupovy vyvad z abaračeńnia i źniščeńnie mohuć zaciahnucca na dziesiacihodździ, śćviardžajecca ŭ publikacyi.

Ličycca, što banknoty z samym vysokim naminałam šyroka vykarystoŭvajucca dla raźlikaŭ u kryminalnym biznesie, naprykład, u narkahandli abo pry admyvańni hrošaj. Pasiadžeńnie rady kiraŭnikoŭ JECB, na jakim miarkujecca pryniać rašeńnie ab vyvadzie za abaračeńnia kupiur naminałam 500 jeŭra, namiečana na 4 maja.

Raniej paviedamlałasia, što vydatki na zamienu takich kupiur novymi banknotami mienšaha naminału mohuć kaštavać ES bolš za 500 młn jeŭra.

Suprać hetaha kroku vystupajuć centrabanki Hiermanii i Aŭstryi.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?