U Novasibirsku supracoŭnikami centra pa baraćbie z ekstremizmam zatrymany ideołah štohadovaj pieršamajskaj akcyi pad nazvaj «Manstracyja» mastak Arciom Łaskutoŭ.

«Zatrymali, viazuć u Centralnaje RUUS», — raspavioŭ Łaskutoŭ ahienctvu TASS.

Paźniej jon vykłaŭ u siabie ŭ «Tvitary» fota palicejskaha pratakoła, ź jakoha vynikaje, što jaho zatrymali za praviadzieńnie šeścia biez uzhadnieńnia z meryjaj Novasibirska.

Heta nie pieršaje zatrymańnie Łaskutova ŭ suviazi z praviadzieńniem «Manstracyi».

@ikentavr

@ikentavr

«Manstracyja» była prydumanaja bolš za 10 hadoŭ tamu, u 2004 hodzie, jak alternatyva pieršamajskaha šeścia. Jaje ŭdzielniki apranajuć paciešnyja kaściumy i niasuć płakaty žartoŭnaha źmiestu.

Sami ŭdzielniki akcyi kažuć, što heta «viasiołaje šeście svabodnych ludziej pa horadzie z absurdysckimi łozunhami, jakija adlustroŭvajuć žyćcio».

U 2011 hodzie Arciom Łaskutoŭ atrymaŭ za svoj prajekt premiju ŭ katehoryi «Sučasnaje mastactva», jakuju ŭručajuć Dziaržaŭnym centram sučasnaha mastactva. Adnak u 2015 hodzie meryja Novasibirska admoviłasia ŭzhadnić šeście, i jaje natchnialnik byŭ zatrymany na 10 sutak za niepadparadkavańnie rasparadžeńniu supracoŭnika palicyi i jašče na 10 sutak za parušeńnie ŭstanoŭlenaha paradku arhanizacyi i praviadzieńnia šeścia abo pikietavańnia.

Sioleta «Manstracyja» była ŭzhodnienaja z uładami Novasibirska, udzielniki akcyi dałučylisia da arhanizavanaha meryjaj «Usiašeścia».

Hałoŭnym łozunham sioletniaj «Manstracyi» stała fraza «Tut vam nie Maskva». Raściažku z nadpisam nieśli na čale kałony. Paviedamlajecca, što takuju frazu skazali arhanizataram akcyi supracoŭniki meryi pry ŭzhadnieńni mierapryjemstva.

Pa acency samoha Łaskutova, sioleta na akcyju vyjšli kala 2 tysiač čałaviek, što prykmietna bolš, čym u papiarednija hady.

Jany nieśli raznastajnyja płakaty — naprykład, takija: «Pastiernak ili kak?», «Zdravstvujtie, vy vieritie v BH?», «Nie nado piečaliťsia, vsie leto vpieriedi», «Rano ili pozdno, tak ili inačie» – i skandavali «RPC! RPC!», «Čto za dič! Čto za dič!», «Russkije bliny! Russkije bliny», a takžie «Zaprieŝienka! Zaprieŝienka!».

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?