Sioleta nabor na dzionnuju biudžetnuju formu navučańnia ŭ VNU budzie krychu mienšym, čym letaś, paviedamiŭ pieršy namieśnik ministra adukacyi Biełarusi Vadzim Bohuš 11 maja na pres-kanfierencyi ŭ Minsku.
Pavodle jaho słoŭ, heta źviazana sa skaračeńniem miescaŭ pa peŭnych kirunkach i śpiecyjalnaściach. «Naprykład, pa budaŭničym, ekanamičnym i pravavym profilach u nas ciapier dastatkova śpiecyjalistaŭ, u toj ža čas pavialičany nabor na navučańnie ŭ halinie achovy zdaroŭja i piedahohiki va ŭstanovy siaredniaj śpiecyjalnaj adukacyi», — skazaŭ jon.
Vypusk sa škoł u hetym hodzie bolšy, čym u minułym, prykładna na 800 čałaviek, zychodziačy z hetaha farmirujecca płan pryjomu na dalejšaje navučańnie, adznačyŭ Bohuš.
U prafiesijna-techničnyja ŭstanovy adukacyi płanujecca pryniać 32,6 tys. čałaviek, u siarednie-śpiecyjalnyja ŭstanovy — kala 40 tys. čałaviek, u VNU pa ŭsich formach navučańnia — bolš za 63 tys. čałaviek.
Namieśnik ministra paviedamiŭ, što ŭ hetym hodzie abnavilisia śpiecyjalnaści va ŭstanovach adukacyi. U PTV źjaviłasia kala 100 novych, u kaledžach — adna (apieracyjnaja dziejnaść łahistyki), u VNU — šeść, u asnoŭnym piedahahičnych.
Parohavaja adznaka pieršaha ŭstupnaha pradmieta pa matematycy, fizicy, chimii, bijałohii — 15 bałaŭ, dla historyi, hramadaznaŭstva, hieahrafii i zamiežnych moŭ, a taksama dla ruskaj i biełaruskaj moŭ, kali jany źjaŭlajucca profilnymi pradmietami, — 20 bałaŭ. Dla tych śpiecyjalnaściaŭ, dzie movy profilnymi pradmietami nie źjaŭlajucca, parohavaje značeńnie ŭstanoŭlena na ŭzroŭni 10 bałaŭ, dla druhoha profilnaha pradmieta dziejnaje značeńnie panižana na 5 bałaŭ.
