Vialiki amatar šachmat U.Karatkievič uvioŭ ich u «Ładździu rospačy». Pajadynki rahačoŭskaha šlachciča Hiervasija Vylivachi sa Śmierciu apisany padrabiazna, i ŭ mianie ŭźnikła spakusa rekanstrujavać ich z dapamohaj šachmatnaj natacyi. Spadziajusia, čytačy ŭsprymuć šachmatna-litaraturny tekst, padadzieny nižej, z humaram.
«Doška lažała miž imi. Hiervasij uziaŭ za bieły šałom maleńkaha, ale nievierahodna ciažkaha łatnika i adkryŭ darohu svajmu viziru…»
1. d4 Kf6 2. c4 e5 3. d5?..
«I raptam Śmierć zaśmiajałasia:
— Ty znoŭ papaŭsia…»
Najvialikšaja ŭładarka suśvietu znarok vybrała niezvyčajny dla XVI st. budapešcki hambit, dzie čornyja achviarujuć važnuju piešku, kab spravakavać supiernika. Vylivacha nie pryniaŭ achviary.
3. …Ss5 4. Kc3 d6 5. Kf3 0-0 6. e4?..
Vylivacha paddaŭsia na pravakacyju. Jon schilajecca da zvykłaj maniery hulni — biaschitrasnaha razhortvańnia siłaŭ, pabudovy «krepaści» s4-d5-e4, i nie zaŭvažaje słabaści na f2.
«— Hladź-dzi, – skazała Śmierć».
6…Kg4 7. Ce3 Ke3 8. fe Ce3.
«Za niejkija dvaccać chvilin jana zrabiła breš u abaronie Hiervasija, uzłamała jaje…»
15. Fd5 Kc6 16. 0-0-0 Ce3+ 17. Kd2 Fa5 18. Kpb2 Cd7.
Śmierć hulaje z čałaviekam u kata i myš: robić vyhlad, što adstupaje. Viadoma, tut užo «ŭsie šlachi viaduć u Rym».
19. Fd6.
«Z mužnaściu rospačy vizir Vylivachi kinuŭsia napierad, źbiŭ varožaha łatnika, što vychodziŭ na liniju «Viziraŭ tron»…»
19…Tf6?.. 20. Fd7.
«…skinuŭ bajavoha słana i adrazu zamitusiŭsia miž dźviuma ładździami Śmierci».
20…Td8?.. 21. Fb7?.. Tb8.
«Vizir źbiŭ jašče adnaho łatnika i nałažyŭ hałavoju, atočany čornym vojskam». Vynik demaralizacyi biełych: 21. Kb3 davała im kontrašancy.
22. Kb3.
Vylivacha sprabuje adkazać udaram na ŭdar, dy zapozna. Paśla 22…Tb7 jahony koń źviazany.
23. Kd5 Tf2+.
«I tady ruka Śmierci praciahnułasia i źniała z hałavy karala karonu.
— Aman, — skazała jana».
Vylivacha prajhraŭ pieršy raŭnd bojki. Ale tyja, chto čytaŭ słavuty tvor, pamiatajuć, što heta byŭ jašče nie kaniec. Druhaja partyja skłałasia dla rahačoŭca bolš paśpiachova.
