Jeŭraparłamient prypyniŭ rabotu nad biaźvizavym režymam z Turcyjaj, paviedamlajuć infarmacyjnyja ahienctvy sa spasyłkaj na brusielskuju hazietu EUobserver.

Pryčynaj źjaŭlajecca toje, što Ankara pakul nie vykanała ŭsie patrabavańni ES, vyłučanyja pa mihracyjnym pahadnieńni. Adznačajecca, što rabota nad biaźvizavym režymam z Turcyjaj pradoŭžycca, kali kraina vykanaje ŭsie 72 umovy.

Prezident Turcyi Taip Erdahan 10 maja zajaviŭ, što Ankara nie stanie prymać instrukcyi ad ES u pytańniach źmianieńnia zakona ab baraćbie z teraryzmam. Jon źviarnuŭ uvahu na toje, što ES nazyvaje źmianieńni ŭ zakon ab baraćbie z teraryzmam jak adnu z umoŭ vizavaj libieralizacyi.

Turecki ministr pa spravach ES Vałkan Bazkyr taksama zajaviŭ siońnia, što Ankara nie moža pryniać źmianieńni ŭ svajo antyterarystyčnaje zakanadaŭstva, jakoje i tak užo adpaviadaje standartam ES. Pry hetym ministr pryznaŭ, što pytańnie źmianieńnia antyterarystyčnaha zakanadaŭstva stała pryčynaj prablem u adnosinach ź ES.

Raniej turecki lidar Redžep Taip Erdahan zajaŭlaŭ, što admovicca ad vykanańnia pahadnieńnia ź ES, kali biaźvizavy režym nie budzie ŭviedzieny da pačatku lipienia 2016 hoda. Pry hetym Turcyja sa svajho boku 3 maja 2016 hoda abjaviła ab biaźvizavym režymie dla krain Šenhienskaj zony. Adznačałasia, što dyrektyva ŭstupić u siłu adnačasova z admienaj ES viz dla hramadzian Turcyi.

Клас
0
Панылы сорам
0
Ха-ха
0
Ого
0
Сумна
0
Абуральна
0