Źjaŭleńnie punktaŭ dostupu Wi-Fi u transparcie pierš za ŭsio zaležyć ad transpartnych kampanij, paviedamiŭ ministr suviazi i infarmatyzacyi Siarhiej Papkoŭ siońnia ŭ čas anłajn-kanfierencyi na sajcie BIEŁTA.
«Dziaržaŭnaja kamisija pa radyjočastotach dała dazvoł na vykarystańnie Wi-Fi u transpartnych srodkach bieź śpiecdazvołaŭ. Ciapier usio zaležyć ad transpartnych kampanij. Apieratary suviazi hatovyja pryjści tudy z hetym servisam. Toje ž samaje tyčycca i mietrapalitena — tut patrebnyja aktyŭnyja dziejańni jak apieratara, tak i samoha mietrapalitena», — skazaŭ Siarhiej Papkoŭ.
Ministr adznačyŭ, što pryvatnyja transpartnyja kampanii, jakija zajmajucca pasažyrapieravozkami u rajcentrach abo pamiž abłasnymi haradami i Minskam, mohuć zajmacca ŭkaranieńniem Wi-Fi bolš aktyŭna navat dla pryciahnieńnia bolšaj kolkaści klijentaŭ.
«Što tyčycca haradskoha hramadskaha transpartu, to treba padumać, ci jość u hetym sens. Ujavicie, jak padčas pajezdki ŭ hadzinu pik možna karystacca noŭtbukam abo netbukam? Tut usio treba ŭzvažyć i paličyć», — dadaŭ ministr.
