Supracoŭniki palicyi zatrymali kala 50 udzielnikaŭ masavaj bojki i pierastrełki na Chavanskich mohiłkach u Maskvie. U vyniku bojki zahinuli dva čałavieki. U suviazi z hetym zaviedzienaja sprava ab zabojstvie.

«Interfaks» sa spasyłkaj na krynicy paviedamlaŭ, što zahinuŭ palicejski. RBK pieradavaŭ, što zahinuli dvoje supracoŭnikaŭ palicyi. U MUS hetuju infarmacyju nie paćviardžajuć.

Kolkaść paciarpiełych dakładna nieviadoma. U adnych paviedamleńniach havorycca, što ich 10 (z ulikam dvuch zahinułych), u inšych - što kala 15 čałaviek. Na miescy bojcy kanfiskavali ahniastrelnuju zbroju.

Spačatku maskoŭskaja palicyja paviedamlała, što ŭ bojcy ŭdzielničali kala 400 čałaviek. U paźniejšych paviedamleńniach havorycca, što ŭdzielnikaŭ było kala 200 čałaviek.

Pavodle papiarednich dadzienych, u bojcy ŭdzielničali ŭradžency Siaredniaj Azii i Zakaŭkaźzia. U palicyi kažuć, što jany «nie padzialili terytoryju absłuhoŭvańnia mohiłak».

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?