Kreml źviarnuŭsia da ŭładalnikaŭ telekanała RBK z patrabavańniem zvolnić kiraŭnictva chołdynhu paśla taho, jak byŭ apublikavany artykuł «Nasuprać «pałaca Pucina» pad Hielendžykom pačnuć razvodzić vustryc». Pra heta paviedamlaje ahienctva Reuters sa spasyłkaj na krynicu. Pa słovach surazmoŭcy ahienctva, heta stała apošniaj kroplaj dla kiraŭnictva krainy.

Kreml aficyjna abviarhaje fakt cisku na chołdynh.

Raniej rasiejski sajt «Mieduza» paviedamlaŭ, što pieratrusy ŭ hrupie ONEKSIM, jakoj naležyć RBK, sankcyjanavaŭ asabista prezident Rasii Uładzimir Pucin. Jamu nie padabalisia publikacyi ŭ RBK pra jahonuju siamju. RBK raspaviadaŭ pra dačku prezidenta Kaciarynu Cichanavu i jaje muža (ziacia Pucina) Kiryła Šamałava, jaki adrazu paśla žanićby staŭ miljarderam.

13 maja stała viadoma, što zvolnieny hałoŭny redaktar haziety RBK Maksim Solus. Uśled za im pa ŭłasnym žadańni syšli hałoŭred chołdynhu RBK Raman Badanin i šef-redaktar RBK Lizavieta Asiacinskaja.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?