Tvorčaje abjadnańnie «Šlachiecki teatr «Zacharanka Art-hrup» pry padtrymcy Nacyjanalnaha histaryčnaha muzieja i turystyčnaj kampanii «Bjuci-tur» zapuściła kulturna-adukacyjny prajekt «Šlachieckaja spadčyna Biełarusi». Prezientacyja prajekta adbyłasia 27 maja va ŭnutranym dvoryku histaryčnaha muzieja ŭ Minsku.

«Tak atrymałasia, što apošniaje stahodździe było vielmi składanym u žyćci Biełarusi i biełaruskaj nacyi ŭ cełym, — skazaŭ na prezientacyi prajekta kiraŭnik teatra Andrej Zacharanka. — Našy baćki, my sami i našy dzieci da hetaha času čujem, što biełarusy — heta sialanskaja nacyja, a vielmi ciarplivyja, miakkija, talerantnyja i pasłuchmianyja jany tamu, što spakon vieku ich prodki byli vielmi biednymi, ad ich mała što zaležała, imi panukali ŭvieś čas».

«Ale heta tolki adzin naš bok. Jość i inšy, vielmi važny bok, bo my z vami — daŭnija litviny i siońniašnija biełarusy — samaja arystakratyčnaja nacyja Jeŭropy. Usie krainy Jeŭropy, Zachodniaj i Uschodniaj, uklučajučy jeŭrapiejskuju častku našaj susiedki Rasii, histaryčna mieli 1—2% arystakratyi. U Biełarusi, pavodle samych ścipłych acenak, u samyja horšyja časy było 8%, a ŭ lepšyja časy roskvitu šlachieckaj kultury — da 20% arystakratyčnaha nasielnictva», — adznačyŭ jon.

Pavodle słoŭ Zacharanki, na praciahu 550 hadoŭ isnavańnia Vialikaha Kniastva Litoŭskaha «vialikaja kolkaść ludziej kožny dzień žyła ŭ kantekście šlachieckaj kultury: nasili zbroju, apranalisia ŭ kaściumy, vałodali zamiežnymi movami». Zdavałasia b, biełarusy «amal stracili hety mahutny kulturny płast, ale, dziakuj Bohu, prosta zabylisia», adznačyŭ kiraŭnik teatra.

Jon raskazaŭ, što abjadnańnie sfarmiravałasia kala piaci hadoŭ tamu, pačaŭšy papularyzavać biełaruskuju šlachieckuju historyju i kulturu spačatku siarod svaich siabroŭ i znajomych. Praktyčna adrazu tvorčaja hrupa vyrašyła, što choča «nie raspaviadać pra šlachieckuju kulturu, a pakazvać jaje».

«My dla siabie vyrašyli, što toje, pra što my havorym, my pavinny ŭmieć. Tamu, kali ja raspaviadaju pra daŭniuju kavaleryjskuju kulturu, značyć, ja ŭmieju jeździć viercham, kali raspaviadaju pra zbroju, značyć, ja joj vałodaju. My ŭ pramym sensie ažyŭlajem historyju Biełarusi», — padkreśliŭ Zacharanka.

Hości viečara zmahli paznajomicca sa staradaŭniaj šlachieckaj kulturaj, u pryvatnaści z muzyčnym mastactvam na prykładzie kalektyvu siaredniaviečnaj muzyki «Lity taler» i kvarteta «Akvarel», chareahrafičnym mastactvam na prykładzie tancavalnaha teatra «Fłamieja», a taksama ŭbačyć biełaruskija šlachieckija kaściumy, zbroju i mastactva šabielnaha fiechtavańnia. Udzielniki tvorčaha abjadnańnia pakazali mini-śpiektakl «Šlachta ŭ karčmie» i zhulali z hledačami ŭ tradycyjnyja šlachieckija hulni.

U ramkach svajho prajekta teatr budzie jeździć pa škołach i dziciačych letnich łahierach pa ŭsioj Biełarusi, kab znajomić dziaciej z historyjaj i kulturaj ich prodkaŭ, raskazaŭ u hutarcy z karespandentam BiełaPAN Andrej Zacharanka. Pavodle jaho słoŭ, turkampanija «Bjuci-tur», jakaja padtrymała prajekt, hatovaja «faktyčna pa nulavym košcie sadziejničać sustrečam teatra ź dziećmi ŭ adukacyjnych ustanovach». «Tam, dzie budzie cikavaść, budzie i» Šlachieckaja spadčyna Biełarusi», — padkreśliŭ jon.

Kiraŭnik teatra spadziajecca, što ŭ pierśpiektyvie prajekt vyraście ŭ ceły cykł televizijnych adukacyjnych prahram ab roznych źjavach šlachieckaj kultury. «Vielmi chočacca vieryć, što siońnia tolki pačatak, a dalej my hatovyja pracavać stolki, nakolki chopić našaj tvorčaści», — padsumavaŭ Zacharanka.

Клас
0
Панылы сорам
0
Ха-ха
0
Ого
0
Сумна
0
Абуральна
0

Chočaš padzialicca važnaj infarmacyjaj ananimna i kanfidencyjna?