Na sajcie Centrvybarkama źjaviŭsia śpis zarehistravanych inicyjatyŭnych hruppa zbory podpisaŭ u padtrymku vyłučeńnia kandydataŭ u deputaty Pałaty pradstaŭnikoŭ. Pa Staravilenskaj akruzie №105 siarod mahčymych kandydataŭ tam byŭ paznačany i były palitviazień Mikałaj Statkievič, jakomu raniej admaŭlali ŭ rehistracyi.

«Tut techničnaja pamyłka, pryčym naša, — kamientuje Jeŭraradyjo sakratar CVK Mikałaj Łazavik paśla chvilinaŭ dziesiaci vyśviatleńnia. — Pieršapačatkova heta była tablica tych, chto padaŭ zajavu na rehistracyju inicyjatyŭnych hrup. A potym tych, kaho nie zarehistravali, adtul prybirali. Mikałaja Statkieviča nie prybrali pamyłkova, jak kažuć, bieź niejkaha tam namieru. Tamu inicyjatyŭnaja hrupa Statkieviča nie zarehistravanaja. Jana nie moža być zarehistravanaja pavodle zakonu, bo ŭ Statkieviča jość sudzimaść, a heta niepieraadolnaja pieraškoda dla rehistracyi».

Pakul rychtavaŭsia hety materyjał, proźvišča Mikałaja Statkieviča sa śpisu zarehistravanych inicyjatyŭnych hrup z sajta CVK prybrali.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?