Były paŭabaronca futbolnaj zbornaj Biełarusi Maksim Ramaščanka parazvažaŭ ab palityčnych pytańniach.

Ramaščanka — vychadziec z Ukrainy, ale staŭ hulać za zbornuju Biełarusi i staŭ jaje najlepšym snajpieram.

— Na Ukrainu časta jeździcie?

— Nie zaŭsiody ŭdajecca. Dzieci vyraśli, treba vydzialać im čas, plus praca. Choć svajakoŭ tam zastałosia šmat — i ŭ Kijevie, i ŭ Paŭłahradzie. Darečy, ja naradziŭsia ŭ Słaviansku, dzie išli aktyŭnyja bajavyja dziejańni, ale blizkija adtul daŭno źjechali.

— U krainie mocna ŭpaŭ uzrovień žyćcia?

— Tak, i šmat chto niezadavoleny palitykaj Parašenki. Škada, što tak adbyvajecca, što zachodnija partniory ŭpłyvajuć na kreŭnyja znosiny, jakija adbudoŭvajuć stahodździami. Čužy čałaviek pieraškadžaje i łamaje našu historyju.

— Vy šmat pajeździli pa Jeŭropie. Jana hinie?

— Vidać, što častkova jaje šantažujuć. Jana zaležnaja ad zachodnich siabroŭ i vymušana dziejničać pad ciskam. Usie hetyja sankcyi ž dziejničajuć suprać jeŭrapiejskich krain, i jany heta razumiejuć. Ale nie mohuć ničoha źmianić.

— Upeŭnieny, što Amieryka sapraŭdy maryć razvalić Rasieju?

— Viadoma. Navošta tady jana sprabuje nas zaniavolić? Žyli b cicha i spakojna. Naprykład, kali ŭ nas na palicach nie było praduktaŭ pry Harbačovie, nijakich dziejańniaŭ nie rabiłasia. Majdany nie ładzilisia, tamu što my nie supraciŭlalisia. A tut Rasieja akryjała ducham, pačała zavajoŭvać aŭtarytet, i jany stali ładzić revalucyi. Tut usio zrazumieła, — paviedamiŭ Ramaščanka.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?