Śledčy kamitet raspačaŭ kryminalnuju spravu ŭ dačynieńni da mužčyny, jaki zabiŭ ščaniuka ŭ padjeździe doma ŭ Minsku, paviedamiła ŭ fejsbuku aficyjny pradstaŭnik SK Julija Hančarova.

Pavodle jaje słoŭ, dziejańni padazravanaha kvalifikavanyja pa dvuch punktach: žorstkaje abychodžańnie z žyviołaj i chulihanstva.

Śledstva vyśvietliła, što ŭviečary 25 červienia, znachodziačysia ŭ stanie ałkaholnaha apjanieńnia, minčanin 1961 hoda naradžeńnia ŭ tambury kvatery adździaliŭ hałavu ščaniuka ad tułava, paśla čaho vykinuŭ na ŭsieahulny ahlad na leśvičny marš ŭvachodu ŭ padjezd.

Pravodziacca śledčyja dziejańni, u ramkach jakich supracoŭniki milicyi, śpiecyjalisty hałoŭnaha kamiteta sudovych ekśpiertyz uzajemadziejničajuć i vyśviatlajuć usie detali taho, što adbyłosia. Pryznačany ekśpiertnyja daśledavańni.

Клас
Панылы сорам
Ха-ха
Ого
Сумна
Абуральна