U šmatpaviarchovym domie pa vulicy Hlebki ŭ Minsku pasialiłasia siamja sokała-pustalhi. Adčuvaje jana siabie ŭ horadzie całkam kamfortna i navat dała patomstva. Jakraz ciapier nadyšoŭ pieryjad, kali ptušaniaty pakidajuć hniazdo.

Pavodle słoŭ Maksima Niamčynava, śpiecyjalista pa pryrodaachoŭnych pytańniach HA «Achova ptušak Baćkaŭščyny», kali ŭ Minsku hniezdavańnie drapiežnych ptušak u šmatpaviarchovikach pakul redkaść, to ŭ śviecie heta davoli raspaŭsiudžanaja źjava.

Sokał-pustalha ŭ pryrodzie nie buduje hniozdaŭ sam, a zajmaje hniozdy krumkačovych ptušak. Paśla taho jak krumkačovyja ŭ pošukach kormu stali pierasialacca ŭ harady, za imi pajšli drapiežniki.

U Minsku, pavodle acenak Maksima Niamčynava, u šmatpaviarchovych damach uładkavana blizu 20 hniozdaŭ sokała-pustalhi. Čapać ich nielha, jany achoŭvajucca hetak ža, jak i ŭ pryrodzie. Kormu ŭ horadzie sokałam chapaje — jany siłkujucca drobnymi mlekakormiačymi, a taksama bujnymi nasiakomymi.

Клас
Панылы сорам
Ха-ха
Ого
Сумна
Абуральна

Chočaš padzialicca važnaj infarmacyjaj ananimna i kanfidencyjna?