Paet Uładzimir Niaklajeŭ, jaki ŭčora 11 lipienia, śviatkavaŭ svajo 70-hodździe la pomnika Janku Kupału ŭ Minsku padziakavaŭ usim, chto pryjšoŭ u centr biełaruskaj stalicy viečaram u paniadziełak.

Źleva naprava: Leanid Kułakoŭ, Volha Niaklajeva, Źmicier Drozd, Maksim Viniarski, fota Jeŭraradyjo

Źleva naprava: Leanid Kułakoŭ, Volha Niaklajeva, Źmicier Drozd, Maksim Viniarski, fota Jeŭraradyjo

Niaklajeŭ napisaŭ u svaim fejsbuku:

«Darahija ludzi, dziakuju za śviata, pryniesienaje 11 lipienia da pomnika Janku Kupału razam z kvietkami!

Mnie skazali, što vidać było, jak na prezientacyi knihi «Tolki vieršy» ja chvalavaŭsia. Nie stanu hetaha asprečvać. Tak, chvalavaŭsia. Bo nichto nie moh harantavać, što nie nabiahuć milicyjanty, nie pačnuć składać pratakoły na štrafy ci zatrymlivać ludziej. I nichto z tych, chto pryjšoŭ u Kupałaŭski skvier, nie viedaŭ, čym usio skončycca.

Šmat chto z maich znajomych telefanavaŭ i prabačaŭsia, što nie moža pryjści, bo štrafu, bolšaha za zarpłatu, nie paciahnie. Tamu ja vielmi ŭdziačny ŭsim tym, chto, niahledziačy na mahčymyja represii, usio ž pryjšoŭ.

Vy pryjšli - i my razam pakazali, što my svabodnyja ludzi, haspadary ŭ svaim horadzie. Prademanstravali, što nie prymajem palicejščynu ź jaje idyjockimi zakonami, što nichto nam nie budzie ŭkazvać, dzie nam čytać vieršy, śpiavać pieśni.

Vy pryjšli, jak pisaŭ Kupała, LUDŹMI ZVACCA!

Samaje hałoŭnaje, što vyjavili vy kala pomnika Kupału - čałaviečaja hodnaść. Heta najpieršaje, što ja asabista caniu ŭ kožnym - i starajusia nie stracić u sabie. Nidzie, ni ŭ jakich umovach. Biez hodnaści niama čałavieka, niama biez hodnaści naroda. I ŭ katory raz ja pierakonvajusia, što jana ŭ nas, u biełarusach, jość. Tamu j žyvie Biełaruś!

Biaskonca naša mara ab svabodzie
Viadzie nas pa ziamli i pa vadzie,
Jak sonca, što nikoli nie zachodzie,
Jak zorka, što nikoli nie ŭpadzie!

Jašče raz dziakuj vam za śviata!»

Клас
Панылы сорам
Ха-ха
Ого
Сумна
Абуральна